Tuesday, March 24, 2009

شنو الفايده من حل المجلس


يوم الأحد وصلتي أخبار أن الأربعاء راح يحلون المجلس حل دستوري و فعلا صار هذا الكلام. لكن السؤال اللي محيرني و أنا مو خبير لا بالسياسه و لا غيرها شنو فايدة الحل إذا كان نفس النواب راح يرجعون و نفس التأزيمات راح تصير. هل هذا الحل الدستوري تصبيرة إلى أن يحلونه حل غير دستوري في 2010 وهو من المتوقع ان يصير هذا الشي؟

إلى أن يتغير تفكير الناخبون و الناخبات في طريقة اعطاء الصوت لمن، المنتخبين ما يقدرون يتكلمون و لا يقدرون اذمون في المجلس. لأن هذا هو اختيارهم. إلى الآن أشوف جدام عيني الناس يتناقشون شلون هذا بعطيه لأن من الطائفة الفلانية و هذا بصوتله لأن أبوه يصير حق يدي ولد عم خالته (يا خل أبوي حك ظهري) ما راح نخلص

اللي يبي تغيير و يتكلم عن التغيير خل يغير الناس اللي يصوتلهم! يا أخي صوت حق ناس ما عندهم لا مذهب ولا دين، يعني ليش اذا ملتزم تصوت حق واحد يكون يصلي و يصوم؟ صوت حق واحد يفيد البلد و قراراته لها تأثير و همه الوحيد الكويت و مو عايلته أو قبيلته أو طائفته. لا تفهموني غلط و لكن انا أشوف المذهب شيء معين و السياسة شي آخر لكن للأسف الناس و السياسة دمجت الاثنين مع بعض فصارت الطوائف الدينيه و المعتقدات الدينية طوائف سياسية مو بس ب الكويت و لكن في كل البلدان

نبي نتفق على التركيز على 5 نواب من كل دائرة، نواب يكونون اصلاحيين لا ينتمون لأي تجمع ديني معين و لكن بالامكان ان  يكون ينتمون حق تجمع سياسي اصلاحي لا يتأثر بقرار جمعيات أو مفتي أو أي شي آخر

قد يعتبر البعض ما كتيته تافه و معاد أكثر من مره و لكنه من باب التذكير، ولكن بما أن الانتخابات الجايه ان شاء الله الكل يصحى و يبطل عينه عدل و اعرف يعطي صوته حق منو. أكتفي بهذا القدر

عبدالرزاق

7 comments:

A Journal Entry said...

i'm not that into politics too.. bs illy 9ij yaz3ijni is il entikhabat il far3iya illy jarramha il qanoon oo thola il nuwab wala china hatha shay mkhalif lil qanoon!

oo bil thab6.. the same faces will be in again!

bs hal marrah ana 9ij widdy il 3awathi etfooz.. last time yabat khoosh nisbah oo wayd nas kanaw mo ma36eenha 3ala bo enna mayaboon ya7rigoon 9oot'hum ma hagaw ena etyeeb hal kithir..

الفنان said...

ان حل المجلس حلا دستوريا هو التخلص من نواب التأزيم واعتقد انهم لن يكون لهم مكان بيننا فى المجلس القادم ويرجع هذا الخيار للشعب الكويتى ،وانا أؤيد فكرتك ان المجلس يحتاج نواب لاينتمون الى احزاب دينيه بل يحتاج نواب يسعون لمصلحه الكويت فقط

ĐǻñĎõøðñ said...

i used to get involved in politics, lain i realized exactly what you said...

things will only get better when people change their ways of thinking...



oo since i reckon thats not happening anytime soon eb hal deera, i just wanted to say 7amdella 3asalama ;**

Ali said...

الفنان: ما أعتقد ما إحترامي للبدو راح يغيرون أعضائهم لأنه المسألة عندهم قبلية مو مصلحة الديرة.

أحمد الحيدر said...

والله نتمنى نتعظ ونعدل اختياراتنا ..

بس للأسف ما أتوقع ..

تحياتي ..

Cooookies said...

e9la7 = taqyeer

itha ilmajlis be7eloona weredoon ilnas e9awtoon linafs ila3tha'a .. mara7 ensawee shay ..if only each and everyone of us .. e9a7ee thameera wuhwa e9awet ..

allah yeja3lha khair

Aurous said...

صح لسانك